Tofamanino
Ia fa'a'au'upegaina, fa'a'oloaina ma maua'a tamaiti Samoa i lo latou fa'asinomaga e ala i le gagana, aganu'u ma talitonuga Fa'akerisiano.
Matou te ofoina atu le tele o auaunaga ua mae'a tapena ma fa'avaeina e fa'a'au'upegaina ma fa'atamaoaigaina ai a'oa'oga mo 'aoga amata.
A’oa’oga Fa’afouina [PLD]
A’oa’oga Fa’afouina mo faia’oga o Aoga Amata, Pulega Fa’afoe
ma Pulega Fa’atino, e aofia ai ma matua ma aiga ina ia taula’i i le
fa’aaogāina o le Fa’amalama o Tōfāmanino a Samoa i a’oa’oga.
Alagā'oa
Fausiaina ma fa’aliliuina o alagāʽoa mo a’oa’oga ina ia mafai ona maua ai avanoa mo le fa’aaogāina o le Gagana Samoa.
Tofasaili
Lagolagoina ma fa’alauiloa tōfāsaili e fa’atatau i aoga amata, ma ia maua avanoa mo nei fa’amatalaga mo le ati’ina’eina o aoga amata aemaise le a’oa’oina o le Gagana Samoa.
O Agatausili
O agatausili o le alofa, fa’aaloalo ma le tautua e laualuga lea i la matou auaunaga.
Alofa
Matou te fa’atāuaina ma le alofa mutimutivale fānau uma ma faia’oga, i le fa’atupuina lea o se si’osi’omaga e lagona ai e tagata uma e fa’atāuaina ma lagolagoina.
Fa’aaloalo
O le fa’aaloalo ma le amio sa’o o lo’o i le ogatotonu o la matou taumafaiga, e fa’amautinoa ai le fa’aaloalo i le aganu’u, tagata, ma measina i so’o se mea matou te faia.
Tautua
Ua matou tausisi i le tautua ma le ta’ita’iga, e naunau e fai ma fa’ata’ita’iga ma fa’amalosi’au i augatupulaga o le lumana’i i o tatou lotoifale.
O faia'oga e fa'atupuina ma fa'ama'ite ni suiga fou mo a'oa'oga.
O faia’oga e le na o le a’oa’o atu a’o i latou fo’i o ni Alagāʽoa mo suiga fou. Matou te ta’imua i le atina’eina o measina fa’aleaganu’u ma measina fa’alenatura a Samoa, ma i le tu’uina atu o a’oa’oga fa’apitoa mo Aoga Amata. O la matou galuega i le fa’aliliuina o ni fa’amatalaga aloa’ia ma alagaoa i le gagana Samoa, fa’atasi ai ma a matou tofasaili, ma le fa’amoemoe ina ia fa’amautinoa ai le tūmau ma le fa’afouina o Aoga Amata Samoa.
O le tagata e totōina se la'au, e iloa lelei e lē nofo i lalo o le paolo, o se tagata lea ua amata ona malamalama i le uiga o le olaga.
Agava'a Autū
A’o fa’atupula’ia ma fa’aluaina le tatou faitau aofa’i i le lumana’i, ua avea ma tulaga ua sili ona tāua lai e fa’aolaolaina pea o la tatou gagana ma aganu’u. E tausiniō le SAASIA i le fa’aleleia o a’oa’oga ma le tumau o Aoga Amata a Samoa e ala i tomai taua eseese, o lo’o fa’avae uma i mataupu fa’avae fa’a-Kerisiano ma tulaga fa’avae a le fa’alapotopotoga.
Gagana
O le gagana o le fatu o le tatou aganu’u. Matou te fa’amuamua le a’oa’oina ma le fa’atumauina o le gagana Sāmoa ina ia mautinoa e feso’ota’i pea fanau ma a latou measina.
Numera
O le numera o lo’o taua tele mo le malamalama i le lalolagi. O a matou metotia fou o a’oa’oga e fa’afiafiaina ai le a’oa’oina o le malamalama o le fanau i mataupu tau numera aemaise o le feso’ota’iga ma le aganu’u.
Saienisi
O le a’oa’oga fa’asaienisi e fesoasoani i a tatou fānau e fa’atauaina le lalolagi fa’alenatura. Matou te tu’ufa’atasia le poto fa’aleaganu’u ma su’esu’ega fa’asaienisi e saunia ai se a’oa’oga mau’oa.
Inisinia
O le inisinia e fa’alauiloa ai le fo’ia o fa’afitauli ma metotia fou. O la mātou auala e fa’amalosia ai fanau e auai i mataupu tau inisinia, ma fa’aleleia ai o latou tomai i le mafaufau loloto.
Tekonolosi
I lenei talutalufou, o le tomai ma le malamalama i vaega fa’akomepiuta ma alaga’oa tau feso’ota’iga i luga o upegatafailagi o se tomai taua e ao ona fa’aauupegaina ai fanau. Matou te fa’atāua le paleni’ina o tomai fa’ategokolosi ma tulaga fa’aleaganu’u, ia saunia ai fanau mo se lumana’i ae fa’atāuaina le tatou faiga tu’ufaasolo.
Fa'atufugaga
O fa’atufugaga o se fa’aaliga taua o si a ta aganu’u ma le foafoaga. Matou te ofoina atu se tu’ufa’atasiga o faatufugaga masani ma fa’aonaponei, e mafai ai e fānau ona su’esu’e ma fa’amanatu lo latou fa’asinomaga Samoa.
La Mātou Auaunaga
Talanoa mai
PO Box 22109, Ōtāhuhu, Auckland, 1640, New Zealand
Telefoni :
Imeli :
Tusi o tala a SAASIA
SAASIA Inc. Fa’amauina Aiatatau Uma